மைக்கேல் தங்கதுரை மற்றும் கவிபிரியா மனோகரன் இருவரும் காதலர்கள். கவிபிரியா மகளிர் விடுதியில் தங்கி வேலைக்கு செல்கிறார்.திருமணம் செய்து கொள்ளலாம் என்று கவிபிரியா மைக்கேல் தங்கதுரையை வற்புறுத்த,முதலில் சொந்தமாக தொழில் தொடங்க 4 லட்ச முதலீடு செய்த பிறகு திருமணம் செய்யலாம் என்று மைக்கேல் தங்கதுரை கூறுகிறார்.அதனால் மைக்கேல் தடுத்தும் அறுபதாயிரம் சம்பளத்தில் மலைக்காட்டில் தனியாக வசிக்கும் ஸ்ரீரஞ்சனியை பார்த்து கொள்ளும் வேலையில் சேர்கிறார். அங்கே தொலை தொடர்பு வசதியில்லாத காரணத்தால் மைக்கேலிடம் சரிவர பேச முடியாமல் தவிக்கிறார். முதலில் மகிழச்சியாக வேலை செய்யும் கவிபிரியா, மாதங்கள் செல்லச் செல்ல அங்கே அமானுஷ்ய சக்தி இருப்பது போல் உணர்கிறார். இறுதியில் கவிபிரியாவால்அந்த இடத்திலிருந்து தப்பிக்க முடிந்ததா மைக்கேல் வந்து கவிபிரியாவை மீட்டாரா கதையின் ஆரம்பத்தில் 600 முதல் 700 ஆண்டுகளுக்கு முன்பு நடந்த சம்பவத்துடன் ஆரம்ப காட்சிகள் காட்டப்பட்ட வரலாற்று கதைக்கும் இன்றைய காலகட்டத்தின் கதைக்கும் இருக்கும் சம்பந்தம் என்ன எதற்காக கவிபிரியா இந்த மலைப்பகுதிக்கு வரவழைக்கப்பட்டாரா அதற்கு யார் காரணம் கவிபிரியா உயிரோடு திரும்பி சென்றாரா என்பதே படத்தின் மீதிக்கதை.
இதில் இருவித பரிமாணங்களில் மைக்கேல் தங்கதுரை தோன்றி தனது நிறைவான நடிப்பை கொடுத்துள்ளார்.
கதையின் நாயகி கவிபிரியா மனோகரன் தனது வெகுளித்தனமான நடிப்பால் அனைவரது மனதிலும் இடம் பிடிக்கிறார்.
ஏனைய கதாபாத்திரங்களான ஸ்ரீ ரஞ்சனி, கலைராணி,ப்ரீத்தம் சக்கரவர்த்தி, கிருஷ்ணன்,யாசர்,ஆதித்யா கோபி,கௌரி ஆகியோர் சிறப்பாக நினைவாகவும் அவர்களது பணிகளை செய்துள்ளனர்.
விவேக்- ஜெஸ்வந்த் இசையும் சசி தக்ஷா வின் எடிட்டிங் படத்திற்கு பலம் சேர்த்துள்ளன.
அமானுஷ்யம், த்ரில்லர் கலந்து விறுவிறுப்பாகவும் பலவீனமானவர்களை சுலபமாக வசியப்படுத்தலாம் என்ற மையக்கருவுடன் இளமையாக இருக்க எடுக்கும் தந்திர வித்தைகள் நாயகனின் உண்மையான தோற்றம் அதற்கு பலிகடாவாகும் பெண்களின் நிலையை அழகாக இயக்கியுள்ள இயக்குனர் அருண் கே.ஆர் அவர்களை பாராட்டியே ஆகவேண்டும்.
ஆரகன் முதுமையை வெல்ல நினைப்பவன்.