நாயகன் ஆனந்த் நாக் நேர்மையான அதிகாரியாக இருந்தாலும்,அவரது அதிரடி நடவடிக்கைகளால் அடிக்கடி சர்ச்சைகளில் சிக்கி இடமாற்றம் செய்யப்படுகிறார்.அவ்வாறு இடமாற்றம் ஆகி அவர் நெய்வேலி என்.எல்.சியில் உள்ள காவல் நிலையத்தில் பொறுப்பேற்கிறார் பொருப்பேற்ற இரண்டே நாட்களில் அந்தப் பகுதியில் ஒரு மர்ம மரணம் நிகழ்கிறது.ஆரம்பத்தில் இது ஒரு சாதாரண விபத்தாகக் கருதப்பட்டாலும் ஆனந்த் நாக்கின் நுணுக்கமான பார்வைக்கு அது திட்டமிட்ட கொலையா தெரிகிறது. தனது தொடர் விசாரணையின் போது அதே பகுதியில் ஒரு ஆணின் உடல் கழுத்து அறுக்கப்பட்ட நிலையில் கண்டு எடுக்கப்படுகிறது.இந்த இரண்டு மரணம் நடைபெற்ற இடங்களிலும் ஒரு குறிப்பிட்ட கார் நடமாட்டம் இருப்பதை கண்டறியும் ஆனந்த் இது ஒரு தொடர் கொலை என்பதை உறுதிப்படுத்துகிறார். விசாரணையைத் தீவிரப்படுத்தும் போது, இந்த வழக்கில் ஒரு பாலியல் தொழிலாளி ஒருவர் மீது சந்தேகப்பட்டு அவரை விசாரணைக்கு அழைத்து வருகிறார். காவல் நியைத்தில் அந்த பாலியல் தொழிலாளியிடம் விசாரணை மேற்கொள்ளும் போது,அங்கு மின்சாரம் துண்டிக்கப்பட்டு அந்த பாலியல் தொழிலாளியும் மர்மாக கழுத்து அறுபட்டு கொல்லப்படுகிறார்.காவல் நிலையத்தில் கொலை நடந்ததால் ஆனந்த்துக்கு மேல் அதிகாரிகள் எச்சரிக்கை விடுத்து பணி அழுத்தத்தை கொடுக்கிறார்கள். இந்நிலையில் அதே பகுதியில் மூன்றாவதாக ஒரு கொலை நடக்கிறது. இந்த நிலையில் ஆனந்த்தின் வருங்கால மாமனார் எதிர்பாராத விதமாக இறந்துவிட, அந்தத் துக்கத்தில் இருக்கும் தனது காதலி ஜனனி குணசீலனை தேற்ற ஆனநத் முயற்சி செய்கிறார்.ஜனனி ஒரு பிரபலமான யூடியூப்பர் தன் காதலியின் கவனத்தைத் திசைதிருப்ப ஆனந்த் தான் விசாரிக்கும் வழக்கின் சில நுணுக்கமான தகவல்களைச்சேகரிக்க அவரது உதவியை நாடுகிறார். காதலி ஜனனி உதவியுடன் இதே பாணியில் பல ஆண்டுகளுக்கு முன் நடைபெற்ற கொலை பற்றிய ஒரு முக்கிய தகவல் கிடைக்கிறது. அந்த தகவலின் அடிப்படையில் ஆனந்த் தனது தீவிர விசாரணையில் கொலையாளியின் பின்னணியைக் கண்டுபிடிக்கும் போது, ஒரு திடுக்கிடும் உண்மை வெளிப்படுகிறது. இந்தக் கொலைகளுக்கும் சமூகத்தில் பல காலமாக மறைக்கப்பட்டு வரும் ஒரு பெரிய அநீதிக்கும் தொடர்பு இருப்பது தெரியவருகிறது. சூர்யா உண்மையை நெருங்கி வரும்போது ஜனனியின் உயிருக்கு ஆபத்து ஏற்படுகிறது.அந்த மர்ம கொலைகளின் பின்னணி என்ன சூர்யா அந்த குற்றவாளியை எப்படிக் கண்டுபிடித்தார் அந்த குற்றவாளி ஏன் இந்த கொலைகளை செய்தார் என்பதே மீதிக்கதை.
நேர்மையான போலீஸ் இன்ஸ்பெக்டராக ஆனந்த் நாக் கச்சிதமாகப் பொருந்தி திறமையாக நடித்துள்ளார்.
பிக்பாஸ் புகழ் ஜனனி நாயகியாக தனது கதா பாத்திரத்தை சிறப்பாக செய்துள்ளார்.
மற்றும் பாய்ஸ் ராஜன்,கவுரி சங்கர், பிர்லா போஸ்,கௌரி சங்கர்,சரத் ராஜ் ஆகியோர் தங்களது பங்கினை சிறப்பாக செய்துள்ளனர்.
யஷ்வந்த் பாலாஜி ஒளிப்பதிவும்,கார்த்திக் ராம் எரா இசையும் கதைக்கு கூடுதல் பலம்.
ஒரு சமூக உணர்வுபூர்வமான விஷயத்தை எடுத்து சிறந்த திரைக்கதை அமைத்து இயக்கி இருக்கும் இயக்குனர் அருண் பிரசாத் அவர்களுக்கு பாராட்டுகள்.
அறிவான் விறுவிறுப்பு நிறைந்த திரில்லர்.