“பிளாக் கோல்ட்” விமர்சனம்

நாயகன் வெற்றியின் தந்தையாக வரும் லிவிங்ஸ்டன் ஒரு பிரபலமான தலைமுடி ஏற்றுமதி நிறுவனத்தில் ஓட்டுநராகப் பணிபுரிகிறார்.அந்த நிறுவனத்தின் உரிமையாளராக ஏ.வெங்கடேஷ் நடித்திருக்கிறார்.ஒரு காலத்தில் ஒரே நிறுவனத்தில் இருவரும் பணியாற்றியவர்கள் இவர்களிடையே உருவாகும் தொழில் போட்டியும்,அதனால் ஏற்படும் எதிர்பாராத பிரச்சினைகளும்தான் இந்த கதை.
திருப்பதியிலிருந்து சுமார் ஐந்து கோடி ரூபாய் மதிப்புள்ள தலைமுடியை ஏற்றிக்கொண்டு வரும் சரக்கு வாகனம் வழியில் ஒரு மர்மக் கும்பலால் கடத்தப்படுகிறது. இந்தச் சம்பவத்தில் லிவிங்ஸ்டன் மீது திருட்டுப் பழி விழுகிறது. செய்யாத குற்றத்திற்காகத் தந்தை குற்றவாளியாக்கப்படுவதைப் பொறுத்துக்கொள்ள முடியாத வெற்றி, அவரை நிரபராதி என நிரூபிக்கக் களமிறங்குகிறார்.உண்மையில் அந்த தலைமுடியைக் கடத்தியது யார் லிவிங்ஸ்டன் இந்தப் பிரச்சினையிலிருந்து மீண்டாரா கடத்தப்பட்ட தலைமுடி மீண்டும் கிடைத்ததா தந்தை மீது விழுந்த பழியை வெற்றி துடைத்தாரா என்பதே படத்தின் மீதிக்கதை.
வெற்றி தனது கதாபாத்திரத்தை உணர்ந்து நடித்து தனது சிறப்பான நடிப்பை வழங்கியிருக்கிறார்.
மற்றும் லிவிங்ஸ்டன்,ஏ.வெங்கடேஷ்,அருள் டி.சங்கர்,பிரியா லயா,துளசி,தயாரிப்பாளர் மூர்த்தி,கராத்தே வெங்கடேசன் ஆகியோர் சிறப்பாக நடித்துள்ளனர்.
கவாஸ்கர் அவினாஸின் இசையும்,சந்தோஷ் குமார் வீராசாமியின் ஒளிப்பதிவும் கதைக்கு கூடுதல் பலம்.
இதுவரை யாரும் சொல்லாத ஒரு கதைக்கருவை கையிலெடுத்து தலைமுடி ஏற்றுமதி வியாபாரத்தையும்,அதன் பின்னணியில் இருக்கும் கோடிக்கணக்கான ரூபாய் மதிப்பிலான வணிகத்தையும் சேர்த்து சுவாரஸ்யமான திரைக்கதையாக மாற்றி தலைமுடிக்குக் கூட சர்வதேச அளவில் இவ்வளவு பெரிய வணிக மதிப்பு இருக்கிறதா என்ற ஆச்சரியத்தை ஏற்படுத்தி அதன் வியாபாரப் பின்னணியையும் பார்வையாளர்களுக்கு எளிமையாகப் புரிய வைத்து சிறப்பாக இயக்கி இருக்கும் இயக்குநர் தீரன் அருண்குமார் அவருக்கு பாராட்டுகள்.
“பிளாக் கோல்ட்”புதுமையான விறுவிறுப்பான சிறப்பான வித்தியாசமான ஆக்ஷன் திரில்லர்!