ஃபிளாக்” விமர்சனம்

சிறுவன் திஹான் தாய் தந்தையை இழந்து பெங்களூரிலுள்ள தாத்தாவின் பராமரிப்பில் வளர்கிறான். தாத்தா மிக்கி மக்கி ஜா இந்திய தேசியக் கொடி தயாரிக்கும் காதிகிராம கேந்திரத்தில் வேலை பார்க்கிறார்.அவரின் நீண்ட நாள் கனவு டில்லியிலுள்ள இந்தியா கேட்டில் ஜனாதிபதி தேசியக் கொடி ஏற்றுவதை பார்க்க வேண்டும் என்பதுதான்.ஆனால் அவர் திடீரென உடல்நிலை பாதிக்கப்பட்டு மருத்துவமனையில் சேர்க்கப்படுகிறார். அதனால் தாத்தாவின் ஆசையை நிறைவேற்ற டில்லி இந்தியா கேட்டில் ஜனாதிபதி ஏற்றவிருக்கும் தேசியக் கொடி ஏற்றத்தை பார்க்க பெங்களூரிலிருந்து ரயிலில் டில்லிக்கு புறப்படுகிறான்.ஆனால் வழிதவறி கேரளாவுக்கு வந்து விடுகிறான். அதன்பிறகு மொழி பிரச்சனையால் இந்தியாவின் பல மாநிலங்களுக்கு செல்ல நேரிடுகிறது.கடைசியாக டில்லிக்கு வருகிறான்.ஆனால் சிறுவன் திஹானை, தீவிரவாதிகளுக்கு தகவல் சொல்லும் கும்பலை சேர்ந்தவன் என்று உளவுத்துறையினர் சந்தேகித்து அவனை கைது செய்கிறார்கள்.முடிவில் திஹான் ஜனாதிபதி தேசியக் கொடி ஏற்றப்படுப்படுவதை நேரில் பார்த்தானா இல்லையா என்பதே மீதிக்கதை.
சிறுவன் திஹான் தனது குறும்புத்தனமான நடிப்பாலும் தனது இயல்பான குழந்தை தனமான நடிப்பின் மூலமாகவும் அனைவரது கவனத்தையும் ஈர்த்து விடுகிறான்.
மற்றும் தாத்தாவாக கதாபாத்திரத்தில் நடித்திருக்கும் மிக்கி மக்கி ஜா, கிரி துவாரகேஷ்,ஆனந்த்,அபிநவ் கோசாமி, அமீர் மாலிக்,பபுஷா,சினி உள்ளிட்ட படத்தில் நடித்திருக்கும் அனைத்து நடிகர்களும் சிறப்பான நடிப்பை வழங்கி நடித்துள்ளனர்.
ராஜாரவி வர்மா மற்றும் பாலசுப்ரமணியம் இசை கதைக்கு கூடுதல் பலம்.
இயக்குநராகவும் ஒளிப்பதிவாளராகவும் பணியாற்றியிருக்கும் இயக்குநர் எஸ்.பி.பொன்சங்கர் மொழி,மதம்,உணவு மற்றும் உடை எனப் பல வேறுபாடுகள் இருந்தாலும்,‘இந்தியர்’என்ற ஒற்றை அடையாளம் அனைவரையும் இணைக்கிறது என்பதையும் கருவாக கையில் எடுத்து அதற்கு சிறந்த முறையில் திரைக்கதை அமைத்து இயக்கி இருப்பதற்கு பாராட்டுகள்.
“ஃபிளாக்”அனைத்து தரப்பினரும் கண்டு தெரிந்து,தெளிந்து கொள்ள வேண்டிய அற்புத படைப்பு.