தமிழகத்தின் கேரளா எல்லையில் ஒரு ஆணின் பிணம் கண்டெடுக்கப்படுகிறது.இதுகுறித்த புலன்விசாரணையில் அந்த எல்லையில் உதவி ஆய்வாளராக இருக்கும் அர்ஜூன்தாஸ் களம் இறங்குகிறார்.ஏற்கனவே வெளிநாட்டிலிருந்து தமிழ்நாட்டுக்கு வந்த சாராவின் மகன் நீரவ் திடீரென்று காணாமல் போய்விடுகிறான்.இந்த ஆணின் கொலைக்கும் காணாமல்போன சிறுவனுக்கும் தொடர்பு இருப்பது விசாரணையில் தெரியவருகிறது.அந்த கொலையை தொடர்ந்து பல சிறுவர்கள் காணாமல் போய்விடுகிறார்கள்.அதனால் காவல்துறை ஆய்வாளர் சஞ்சனா நேரடியாக விசாரணையை துவக்குகிறார். இதற்கிடையில் காணாமல்போன சிறுவன் நீரவ் வீட்டுக்கு வந்துவிடுகிறான். அப்படியானல் மற்ற சிறுவர்களளை கடத்தியது யார் கொலையாளி யார் அந்த மர்மத்தின் பின்னணி என்ன என்பதை சொல்வதுதான் இப்படத்தின் மீதிக்கதை.
போலீஸ் அதிகாரியாக அர்ஜூன் தாஸ் தனது கம்பீரமான குரலாலும்,உடல்மொழியாலும் கதைக்கு பலம் சேர்த்து சிறப்பாக நடித்திருக்கிறார்.
மற்றும் சஞ்சனா நடராஜனும்,நீரவ், சிருஷ்டி,அனுபமா குமார்,அர்ச்சனா, கார்த்திக் குமார்,படவா கோபி என மற்ற கதாபாத்திரங்களில் நடித்தவர்கள் அனைவரும் தங்களது பங்களிப்பை சிறப்பாக வழங்கியுள்ளனர்.
பிரீத்தி ஜெயராமனின் ஒளிப்பதிவும்,முஜீப் மஜித்தின் இசையும் கதைக்கு கூடுதல் பலம்.
இப்படி ஒரு வித்தியாசமான கதையை கையில் எடுத்து அதற்கு சிறந்த முறையில் திரைக்கதை அமைத்து தொடர்பில்லாதவை போலத் தோன்றும் சம்பவங்களை ஒரே கதைக்குள் இணைத்து சுவாரஸ்யம் குறையாமல் இயக்கிய இயக்குநர் மதுமிதா அவர்களுக்கு பாராட்டுகள்.
“ஜான் டோ”வித்தியாசமான விறுவிறுப்பான திரில்லர்