இறந்த அந்த பெரியவர் திருநெல்வேலி மக்களிடையே பிரபலமான ஒரு பெரிய குடும்பத்தின் மூத்த நபர் சென்னையில் விபத்து ஒன்றில் மரணம் அடைகிறார். அவருக்கு திருநெல்வேலியில் இரண்டு குடும்பங்கள். இரண்டு குடும்பங்களுக்குள் பகை இருந்துக்கொண்டே இருக்கிறது. பெரியவர் மரணம் அடைந்த பின் அந்த இரண்டு குடும்பத்தில் பெரியவருக்கு யார் கொள்ளி போடுவது என்கிற பிரச்சனைகள் அங்கு ஏற்படுகிறது.
திருநெல்வேலி செல்லும் வழியில் கூத்து கலைஞர் கருணாஸ் லிப்ட் கேட்டு அந்த வண்டியில் ஏறுகிறார். இரண்டு பேரும் முரண்பட்ட கதாபாத்திரங்கள்.மன அழுத்தத்தில் இருக்கும் குமார் எப்போதும் தொணதொண வென்று பேசிக்கொண்டிருக்கும் கூத்து கலைஞர் கருணாஸ் இதனால் இவர்கள் இருவருக்கும் பிரச்சினை ஏற்படுகிறது. இதனிடையே இருவருக்கும் வழியில் வேறு பிரச்சனையும் வருகிறது.இந்த பிரச்சனையால் வழியில் அந்த பெரியவர் உடலை யாரோ கடத்தி விடுகிறார்கள். அதனிடையே ஊரில் பெரியவர் உடலுக்காக காத்திருக்கும் இரண்டு வீட்டார்கள் இடையே பல குழப்பமான சம்பவங்கள் நடை பெறுகிறது. அதே நேரத்தில் வழியில் பெரியவர் உடலை தொலத்த விமல் மற்றும் கருணாஸ் இருவரும் சந்திக்கும் சூழ்நிலைகளும் மனிதர்களும் அவர்களின் மனநிலையை மாற்றி, அவர்களை ஒரு பொதுவான நிலைக்கு கொண்டு வருகிறது, அது பின்னர் நட்பாக மாறுகிறது.கருணாஸ் தன்னால் ஏற்பட்ட இந்த இக்கட்டான சூழ்நிலையை அவர் சரி செய்வதாக கூறும் போது ஏற்படும் சம்பவம் தான் படத்தின் திருப்புமுனை. பெரியவரின் இரண்டு குடும்பத்தில் உள்ள பிரச்சனை என்ன யார், எதற்கு பெரியவர் உடலை கடத்தினார்கள் கடத்தப்பட்ட அந்த பெரியவர் உடல் என்ன ஆனது விமல் அந்த பெரியவர் உடலை பத்திரமாக கொண்டு சேர்த்தாரா கருணாஸ் அந்த இக்கட்டான சூழ்நிலையை எப்படி சரி செய்தார் என்பதே மீதிக்கதை.
இதுவரை தனது திரையுலக பயணத்தில் நடிக்காத வித்தியாசமான,அழுத்தமான கதாபாத்திரத்தில் விமல் நடித்து தனது திறமையை நிரூபித்துள்ளார்.
கூத்து கலைஞர் நளினமூர்த்தி கதாபாத்திரத்தில் கருணாஸ் சிறந்த குணச்சித்திர நடிகராக தனது அற்புதமான நடிப்பை வெளிப்படுத்தியுள்ளார்.
மேலும் மேரி ரிக்கெட்ஸ்,ஆடுகளம் நரேன், மனோஜ்குமார்,பவன்,அருள்தாஸ்,தீபா சங்கர்,சார்லஸ் வினோத்,ஆகியோர் அவரவர் பங்கினை நேர்த்தியான நடிப்புத்திறமையால் வெளிப்படுத்தியுள்ளனர்.
இசையமைப்பாளர் என்.ஆர்.ரகுநந்தனின் இசையும் ஒளிப்பதிவாளர் டெமில் சேவியர் எட்வர்ட்ஸ் அவர்களின் ஒளிப்பதிவும் படத்தொகுப்பாளர் எம்.தியாகராஜன் எடிட்டிங் படத்திற்கு பெரிய பலம்.
இரண்டு கதாபாத்திரங்களை சுற்றியே நகரும் திரைக்கதை அமைத்து
பல சுவாரசியமான காட்சிகள் அமைத்து,அழுத்தமாக காண்பித்திருக்கும் அறிமுக இயக்குநர் மைக்கேல் கே ராஜாவை பாராட்டியே ஆகவேண்டும்.
போகுமிடம் வெகு தூரமில்லை வாழ்க்கை அனுபவங்களின் அழுத்தமான படைப்பு.