ஷோபனாவின் புதல்வன் ராவணனான யஷ் அசுரக் குலத்தை அடிமைகளாக நடத்தும் தேவர்கள் இலங்கையை பிடித்துக்கொள்ளும் காரணத்தால் பிரம்மனை நோக்கி தவம் இருக்கிறான்.மானுடனைத் தவிர எந்த வகையிலும் தனக்கு மரணம் நேராது என்ற வரத்தைப் பெற்று மூவுலகையும் தன் கட்டுக்குள் கொண்டுவருகிறான்.அவனை அழிக்க ரன்பீர் கபூர் ராமனாக பிறக்கிறார். சீதையான சாய் பல்லவியை திருமணம் செய்துகொள்ளும் மானுடன்தான் ரன்பீர் கபூர்.தன் பிறவிக்கான காரணத்தைக் கண்டறியும் பயணமே இந்த ராமாயணம் ராமனின் கதையாகத் தொடங்காமல் ராவணனின் கதையை விரிவாகச் சொல்கிறது அவரின் எழுச்சி,அவரின் ஆட்சி,அவர் ராமரின் பாதையைக் குறுக்கிடும் தருணம் என அவர் பக்கக் கதைகளையும் பேசுகிறது படம். விஸ்வாமித்திரருடன் காவலுக்குச் செல்லும் ராமன்,லக்ஷ்மணன் அங்கு நடக்கும் சண்டை சீதையின் சுயம்வரம், எமோஷனலான கைகேயி அத்தியாயம் வனவாசம் என அடுத்தடுத்து பிரமாண்டங்களையும், சுவாரஸ்யங்களையும் அடுக்குகிறது முதல் பாதி.இரண்டாம் பாதியில் மீண்டும் ராவண அத்தியாயம் சூர்ப்பணகையின் காதல், அசுரர்கள் இடத்தில் நடக்கும் போர் புஷ்பக விமானத்தில் சீதையை ராவணன் கடத்திச் செல்லும் தருணமும்,சடாயுவின் இறுதிப் போராட்டமும் முடிவடையும் வேளையில், கதை ஒரு உச்சக்கட்ட திருப்பத்தை எட்டுகிறது.சீதையை மீட்கும் பெருமுயற்சியில் ராமனும் லட்சுமணனும் எத்தகைய சவால்களை எதிர்கொள்ளப் போகிறார்கள் திரையில் இன்னும் முழுமையாகக் காட்டப்படாத ஹனுமானின் அதிரடியான எண்ட்ரி எப்போது நிகழும் ராவணனின் லங்கா ராஜ்ஜியத்தை வீழ்த்தப் போகும் அந்த மாபெரும் போர் எப்படிப்பட்டதாக இருக்கப் போகிறது போன்ற பல அற்புதமான கேள்விகளை மனதில் எழுப்பியபடியே அடுத்த பாகத்துக்கான பெரும் எதிர்பார்ப்போடு இந்த முதல் பாகம் நிறைவடைகிறது.
ரன்பீர் கபூர் தனது அமைதியான நடிப்பால் அனைவரையும் கவர்ந்துள்ளார்.
சாய் பல்லவி தனது இயல்பான நடிப்பால் அனைவரையும் கவர்ந்துள்ளார்.
யாஷ் இந்த படத்தின் உண்மையான முதுகெலும்பே இந்த இலங்கை வேந்தன்தான் இவர் வரும் காட்சிகள் அனைத்திலும் அதிரவைக்கிறார்.
மற்றும் ரவி துபே,அருண் கோவில்,லாரா தத்தா,இந்திரா கிருஷ்ணன்,ஆதிநாத் கோத்தாரே,நிதீஷ் சர்மா,ஷீபா சத்தா,சன்னி தியோல்,அமிதாப் பச்சன்,அனுபம் கெர்,ரகுல் பிரீத் சிங்,காஜல் அகர்வால்,
விஜய் சேதுபதி ,ஹரீஷ் உத்தமன்,சௌரப் சச்தேவா,மோஹித் ரைனா ஆகியோர் சிறப்பாக நடித்து கதைக்கு கூடுதல் பலம் சேர்த்துள்ளனர்.
ஏ.ஆர்.ரஹ்மான் மற்றும் ஹான்ஸ் ஜிம்மர் இசைக் கூட்டணி கதைக்கு மிகப்பெரிய பலமாக அமைந்துள்ளது.
தெரிந்த கதைதான்.இருந்தாலும் அதில் பிரமாண்டத்தை கூட்டி சிறந்த திரைக்கதை அமைத்து செயற்கைத்தனங்கள் பெரிதும் இல்லாத கிராபிக்ஸை சாத்தியமாக்கி மிரட்டியிருக்கிறார் இயக்குநர் நிதேஷ் திவாரி, அவருக்கு பாராட்டுகள்.
ராமாயணா ஒரு கம்பீரமான பிரமாண்டங்கள் நிறைந்த ஒரு உன்னதமான காவியப் படைப்பு!