மிஷ்கின் தனது தனித்துவமான நடிப்பின் மூலம் ஒரு அனுபவம் வாய்ந்த வழக்கறிஞருக்கே உரிய கம்பீரம், தோல்வியால் ஏற்படும் ஈகோ,பழிவாங்கும் மனநிலை என உணர்வுகளை மிக இயல்பாக வெளிப்படுத்தி சிறப்பாக நடித்திருக்கிறார்.
கீர்த்தி சுரேஷ் மிஷ்கினுக்கு இணையாக நீதிமன்றத்தில் அவர் எதிர்கொள்ளும் காட்சிகள் சிறப்பாக அமைந்து கதைக்கு பலம் சேர்த்துள்ளது.
மற்றும் ஷாருகேஷ்,பாலசரவணன்,ஷில்பா மஞ்சுநாத்,பிரிகிடோ சாகா ஆகியோர் கதைக்கு பக்க பலமாக சிறப்பாக நடித்துள்ளனர்.
சாம் சி.எஸ்.இசையும்,அருள்வின்சென்ட் ஒளிப்பதிவும் கதைக்கு கூடுதல் பலம்.
இப்படி ஒரு சிறந்த கதையைத் தேர்வுசெய்து வெறும் வாதப் பிரதிவாதங்களுடன் நிறுத்திவிடாமல்,அதற்குள் சஸ்பென்ஸ், திருப்பங்கள்,உணர்ச்சிகள்,நகைச்சுவை எனப் பல அம்சங்களைச் சரியான முறையில் சிறந்த திரைக்கதையாக அமைத்து தனது முதல் படம் என்பது தெரியாத அளவிற்கு சிறந்த முறையில் இயக்கி இருக்கும் இயக்குநர் பிரவீன் எஸ்.விஜய் அவர்களுக்கு வாழ்த்துக்கள்,பாராட்டுகள்.
“சத்தியவான் சாவித்ரி” சிறப்பான அனைவரும் காணவேண்டிய நவீன காலத்து சாவித்ரி.