IASபடித்து கலெக்டர் சிவகாமியாக வரலட்சுமி சரத்குமார் துணிச்சல்மிக்க முடிவுகளை எடுக்கும் தைரியமிக்க பெண்மணி. தன் வேலையில் நடந்த கசப்பான சம்பவத்தால் ஒதுங்கி இருக்கும் போது, மேலிடத்தில் வரும் அழுத்தம் காரணமாக இந்த குற்ற விசாரணையை நடத்த சம்மதிக்கிறார். அவரின் விசாரணை வளையம், கேட்கும் கேள்விகளால் திணறும் போலீஸ் அதிகாரி, பெற்றோர்களின் குமறல்களை பொறுமையாக கேட்டு உரிய நடவடிக்கை எடுக்கும் திறன் என்று தன்னுடைய கதாபாத்திரத்திற்கு அழுத்தமான முத்திரை பதித்து இறுதிக் காட்சியில் தலை நிமிர வைக்கிறார்.
இரு மகள்களின் தந்தையாக ஆடுகளம் நரேன், யதார்த்தமான நடிப்பு. மகள்களைச் சுற்றியே அவரது உலகம் சுழல ஒரு சம்பவத்தால் தலைகீழாக மாற, மகளுக்காக அவர் எடுக்கும் தேடுதல் முயற்சி, பரிதவிக்கும் தவிப்பு, மகளுக்கு நேர்ந்த கொடுமையை பார்த்து நொறுங்குவது, இறுதியில் Media க்களை பார்த்து கோபப்படுவது என்று அசத்தலான நடிப்பு.
பாலியல் துனுபுறுத்தலால் பாதிக்கப்படும் விந்தியாவாக வரும் பாவனா கயவர்களிடம் மாட்டிக் கொண்டு துன்புறுத்தப்படும் போதும், தப்பித்து ஒடி உயிரை கையில் பிடித்துக் கொண்டு மறைவாக இருக்கும் போது, இன்னோரு பெண் எரித்து சாம்பலாவதை பார்த்து அழுது புலம்பி காப்பாற்ற நினைத்து விரக்தியில் கதறும் போது மனதை நெருடச் செய்கிறார்.இறுதிக் காட்சியில் தனக்கு ஏற்பட்ட இன்னல்களை விவரிக்கும் போது நடுக்கும் விரல்கள், கதறி பேசும் வசனங்கள், தன்னை கெடுத்தவர்களையும் அண்ணன் என்று கூறும் போது கண் கலங்க வைத்து விடுகிறார். இனி வாய்ப்புக்கள் அமைந்தால் சிறந்த நடிப்புத்திறன் கொண்ட பாத்திரங்களில் நிச்சயமாக ஜெயிப்பார்.
எஸ்தர் அனில், விசாரணை கதை ஆசிரியர் சந்திர குமார், பொன்முடி, ஜெய் குமார், ஷீபா ஆகியோர் படத்தின் முக்கிய கதாபாத்திரங்கள்.
இசை – ஆலன் செபாஸ்டியன், ஓளிப்பதிவு – சிவா பிரபு ஆகியோர் போட்டி போட்டுக்கொண்டு தங்கள் பணியை திறம்பட செய்துள்ளனர். குற்றம் நடந்த இடத்தின் விவரிப்புகள் சிறப்பாக கையாளப்பட்டுள்ளன.
எடிட்டர் – நாகூரன் எதையும் விட்டுவிடாமல் படத்தை சிறப்பாக படத்தொகுப்பு செய்துள்ளார்.
இந்தியாவில் பல பாலியல் குற்றங்கள் வெளிச்சத்திற்கு வராமல் நடந்து கொண்டு தான் இருந்தது, இருக்கிறது உலகத்தையே பதற வைத்த 2012ல் நிர்பயாவிற்கு நடந்த பாலியல் வன்கொடுமை தான் பல போராட்டங்களுக்கு வழி வகுத்தது. அதன் பின் நாடு முழுவதும் கொந்தளிப்பை ஏற்படுத்த, பேசும் பொருளாக மட்டுமே இருந்த வந்து அதற்கான தீர்வை இது வரை யாரும் தெளிவாக கொடுக்கவில்லை, தண்டனையும் கடுமையாக இல்லை.நாளுக்கு நாள் இத்தகைய வன்கொடுமைகள் நாடு முழுவதும் அதிகரித்துக்கொண்டே தான் இருக்கிறது.இந்த உண்மைச் சம்பவத்தை அடிப்படையாக வைத்து அரசியல் அதிகாரம், போலீஸ் துஷ்பிரயோகத்தால் ஐந்து அப்பாவி இளைஞர்களை போலி என்கவுண்டர், அதனை தீவரமாக விசாரித்து தகுந்த தீர்ப்பு சொல்லும் கதைக்களத்தில், பாலியல் தொழிலை அங்கீகரித்தல் போன்ற கோரிக்கையுடன் முடித்திருக்கிறார் இயக்குனர் அமுதவாணன். இத்தகைய பாலியல் வன்கொடுமைகள் அதிகரிக்கும் காரணத்தை உண்மையாக அறிந்து அதற்கான தீர்வை உடனடியாக கொடுத்து குழந்தைகளையும், அப்பாவி பெண்களையும் காப்பாற்ற வேண்டும் என்பதே இயக்குனரின் எண்ணம் பாராட்டுக்குரியது.