ஹரி ஹர வீரமல்லு விமர்சனம்

இந்து மதத்தை ஒழிக்கவும் தனது சொந்த நம்பிக்கையைப் பரப்பவும் இந்துக்கள் வாழும் பகுதிகளை அழித்து நாட்டை தன்வசமாக்கி ஆட்சி செய்கிறார்.முகலாய அரசரான பாபி தியோல் இதற்காக தன்னை எதிர்க்கும் உள்ளூர் தலைவர்களை அவர் இரக்கமின்றி கொலையும் செய்கிறார்.இந்த நிலையில் விலைமதிப்பற்ற ரத்தினங்களைத் திருடுவதில் திறமையான திருடன் பவன் கல்யாண் பணக்காரர் களிடமிருந்து வைரங்களை திருடி ஏழைகளுக்குக் கொடுக்கிறான்.ஒரு நில உரிமையாளரான சச்சின் கேடேகருடன் ஒரு ஒப்பந்தத்தின் ஒரு பகுதியாக வைரக் கொள்ளையைச் செய்யும் போது, பவன் கல்யாண் நிதி அகர்வால் மூலம் கோல்கொண்டா மன்னனால் பிடிபடுகிறார்.பின்னர் அவர் கோல்கொண்டா மன்னருடன் ஒரு ஒப்பந்தம் செய்து முகலாயப் பேரரசர் பாபி தியோலிடமிருந்து கோஹினூர் வைரத்தை திருட ஒப்புக்கொண்டார்.இருப்பினும் இந்த பணியின் பின்னால் ஒரு ஆழமான நோக்கம் உள்ளது. பவன் கல்யாணின் உண்மையான நோக்கம் என்ன பஞ்சமி நிதி அகர்வால் யார் அவருடன் பவன் கல்யாணின் உறவு என்ன பவன் கல்யாணின் பின்னணிக் கதை என்ன பவன்க கல்யாண் வேத பண்டிதரான சத்யராஜுடன் எவ்வாறு தொடர்புடையவர் என்பவைகளே படத்தின் மீதிக்கதை. பவன் கல்யாண் இந்த பாத்திரத்திற்கு வலுவான உணர்ச்சிபூர்வமான நடிப்பைக் கொடுத்துள்ளார். அவருக்கு இணையாக பாபி தியோல் ஒளரங்கசீப்பாக அச்சுறுத்தும் தோற்றத்தின் மூலம் மிரட்டலான நடிப்பை வழங்கியுள்ளார். நிதி அகர்வால் தனது பணியினை சிறப்பாக மேற்கொண்டுள்ளார்.
ஏனைய கதாபாத்திரங்களான சத்யராஜ், நாசர்,நர்கிஸ் ஃபக்ரி,நோரா ஃபடேஹி, ஈஸ்வரி ராவ்,விக்ரமஜீத் விர்க்,சச்சின் கடேகர்,ரகு பாபு,சுனில்,கபிர் பெடி, சுப்பராஜு,கபிர் துஹான் சிங், தணிகலபரணி அனைவரும் திரைக்கதைக்கு பலம் சேர்த்திருக்கிறார்கள்.
கீரவாணியின் அவர்களின் இசையும் ஞான சேகர் வி.எஸ் மற்றும் மனோஜ் பரமஹம்சாவின் ஒளிப்பதிவும் படத்திற்கு கூடுதல் பலம் சேர்த்துள்ளது.
17 ஆம் நூற்றாண்டில் முகலாய காலத்தில் ஒளரங்கசீப் ஆட்சி அதிகார வரலாற்று பின்னணியை சேர்த்து திரைக்கதையை வலுவாக அமைத்து சொல்லி இருக்கும் இயக்குனர்கள் கிரிஷ் ஜாகர்லாமுடி,ஜோதி கிருஷ்ணா ஆகியோருக்கு பாராட்டுகள்.
ஹரி ஹர வீர மல்லு – இலட்சியமும் வீரமும் கலந்த விறுவிறுப்பு.