டைநோசார்ஸ் விமர்சனம்

Die No Sirs என்பதுதான் தலைப்பின் அர்த்தம்

மானெக்ஷா, கவின் ஜெய்பாபு இரண்டு தாதாக்களும் வட சென்னையை ஆட்டிப்படைத்துக் கொண்டிருக்க அதில் கவினின் ஆளை மானெக்ஷாவின் ஆட்கள் போட்டுத் தள்ளி விடுகிறார்கள். அவர்கள் உயிருக்கு கவினால் ஆபத்து வரக்கூடும் என்பதால் அவர்கள் அத்தனை பேரையும் ஜெயிலுக்கு அனுப்பி விடுகிறார் மானக்ஷா.

இந்த கூட்டத்தில் இருக்கும் முக்கிய நபரான மாறா, தன்னுடைய உயிர் நண்பன் என்பதோடு சமீபத்தில்தான் திருமணம் ஆனவன் என்பதாலும் அவனுக்கு பதிலாக சிறைக்குப் போகிறார் ரிஷி.

இந்த விஷயம் கவினுக்குத் தெரிய வர, வெளியே இருக்கும் அந்த நபர் யார் என்று மாறாவைக் கண்டுபிடித்துப் போட்டுத் தள்ளி விடுகிறார் கவின்

நடந்த விஷயம் என்ன என்பது தெரியாமல் மாறாவின் கொலைக்குக் காரணமாகிறார் நாயகன் உதய்கார்த்திக்

ரிஷியின் தியாகம்,நட்பு இவைகளை புரிந்து அவர்களுக்குப் பின்னால் இருக்கும் தாதாக்களின் சுயநலமும் புரிந்து அடுத்து உதய் என்ன செய்கிறார் என்பதுதான் கதையின் முடிவு.

வழக்கமான வடசென்னையை சுற்றி நடக்கும் கதை என்றாலே சண்டை ரவுடியிசமும்தான் என்றுதான் இருக்கும் மாறாக இந்தப் படத்தை சற்று வித்தியாசமாக காட்டி படம் முழுவதையும் ஜாலி மூடில் கொண்டு சென்று இருக்கிறார் இயக்குனர் எம்.ஆர்.மாதவன்.இதற்காக இவரை பாராட்டியே ஆக வேண்டும்.

நாயகன் உதய் கார்த்திக் நடிப்பில் மனதைக் கவர்கிறார்.

நாயகனின் காதலியாக வரும் சாய் பிரியா தேவாவுக்குக் காதலிக்கத் தோதான களையான முகம் நன்றாக நடித்துள்ளார்.

ரிஷியின் கதாபாத்திரம் நம்மனதை கவர்கிறது.

இரண்டு தாதாக்களும்,அவரவர் கதாபாத்திரத்திற்க சரியாக பொறுந்தியுள்ளனர்.

ஜோன்ஸ் வி.ஆனந்தின் ஒளிப்பதிவு கதைக்கு அழகு சேர்த்துள்ளது.

போபோ சசியின் இசை கதைக்கு பெரிய பலம்.

படத்தில் எலலோரும் பஞ்ச் டயலாக் பேசுவதை குறைத்திருக்கலாம்.

டை நோ சார்ஸ் – வழக்கமாக வந்து கொண்டிருக்கும் வட சென்னை கதைகளில் இருந்து சற்று மாறுபடுகிறது.