kollywood news

ஆகாயத்தில் ஒரு தாரகை விமர்சனம்

துல்கர் சல்மான் எளிய ஓட்டுநரான இவர் எளிய கிராமத்து வாழ்வில்,வறுமையும் குடும்பக் கட்டுப்பாடுகளும் பின்னிப் பிணைந்த சூழலில் வளர்கிறார் சாத்விகா வீரவல்லி. சிறுவயதில் கண்முன்னே வந்து சென்ற மொபைல் விண்வெளி கண்காட்சிப் பேருந்து,அவருடைய மனதில் விண்வெளி வீராங்கனையாக வேண்டும் என்ற ஆழமான வேட்கையை விதைக்கிறது.படிப்பில் சிறந்து விளங்கி மாவட்ட அளவில் முதலிடம் பிடித்தாலும்,தந்தை கோட்டா ஜெயராம் கறாரான முடிவால் அவருடைய கல்வித் தொடர்ச்சி தடைபட்டு இவரை திருமணம் செய்கினற சூழ்நிலை துல்கருக்கு ஏற்படுகிறது. இருந்தாலும் துல்கரின் அணுகுமுறை அந்தக் கதையை வேறு திசையில் திருப்புகிறது.தன் அக்கா ஸ்வாசிகா மருத்துவராகும் கனவு நிறைவேறாமல் போன வலியை உணர்ந்த துல்கர்,மனைவியின் விண்வெளி லட்சியத்தைத் தன் சொந்தக் கனவாக ஏற்றுக் கொள்கிறார்.குடும்பப் பொறுப்புகள், நிதி நெருக்கடிகள் மற்றும் சுற்றத்தின் விமர்சனங்களுக்கிடையே மனைவியின் பயணத்திற்கு அமைதியான பலமாகவும் துணையாகவும் துல்கர் நிற்கிறார்.இந்திய விண்வெளி ஆராய்ச்சிப் பயணத்தில் அவர் அடியெடுத்து வைக்கும்போது, மூத்த விண்வெளிப் பொறியாளர் ஸ்ருதி ஹாசன் வழிகாட்டுதலும்,சக பயிற்சியாளர் ருஹானி ஷர்மா நட்பும் அவருடைய பாதையை வடிவமைக்கின்றன.ஒருபுறம் கடுமையான பயிற்சிகளும் சவால்களும்,மறுபுறம் குடும்பம் மற்றும் உணர்வுப் போராட்டங்களும் இணைந்து நகரும் இந்தப் பயணத்தில், கணவனின் தியாகமும் மனைவியின் உறுதியும் இறுதியில் சாத்விகாக விண்வெளியின் எல்லையை நோக்கி இட்டுச் சென்றதா என்பதே மீதிக்கதை.
துல்கர் சல்மான் எளிய ஓட்டுநர் மற்றும் மெக்கானிக்காகக் கிருஷ்ணா பாத்திரத்தில் மிக இயல்பாகப் பொருந்தி சிறப்பாக நடித்துள்ளார்.
சாத்விகா வீரவல்லி முதல் படத்திலேயே மிகப் பெரிய முதிர்ச்சியையும் துணிச்சலையும் வெளிப்படுத்தி சிறப்பாக நடித்துள்ளார்.
ஸ்ருதி ஹாசன்,நாசர்கௌதம் வாசுதேவ் மேனன்,ஸ்வாசிகா,கோட்டா ஜெயராம் ஆகியோர் சிறப்பாக நடித்துள்ளனர்.
ஜி.வி.பிரகாஷ் குமார் இசையும்,சுஜித் சாரங் ஒளிப்பதிவும் கதைக்கு கூடுதல் பலம்.
இப்படி ஒரு சிறந்த கதையை கையில் எடுத்து வழக்கமான கமர்ஷியல் மசாலாக்கள்,ஆர்ப்பாட்டமான பின்னணி இசை,தேவையற்ற சண்டைக் காட்சிகள் அல்லது இரட்டை அர்த்த வசனங்கள் எதுவுமின்றி சிறந்த முறையில் திரைக்கதை அமைத்து சிறப்பாக இயக்கி இருக்கும் இயக்குனர் பவன் சதினேனி அவர்களுக்கு பாராட்டுகள்.
ஆகாயத்தில் ஒரு தாரகை சிறப்பு.

Get real time updates directly on you device, subscribe now.