kollywood news

கூகுள் குட்டப்பா விமர்சனம்

 

ஆர்.கே.செல்லூலாயிட்ஸ் சார்பில் கே.எஸ்.ரவிக்குமார் தயாரித்து நடித்திருக்கும் கூகுள் குட்டப்பா படத்தில் யோகிபாபு, தர்ஷன், லாஸ்லியா, பவித்ரா லோகேஷ், சுரேஷ் மேனன், மனோபாலா, மாரிமுத்து, சி.ரங்கநாதன், பிராங்ஸ்டர் ராகுல், பூவையார், சுஷ்மிதா ஆகியோர் நடித்துள்ளனர். படத்தை சபரி மற்றும் சரவணன் ஆகிய இருவர் இயக்கியுள்ளனர். ஜிப்ரான் இசையில், அர்வி ஒளிப்பதிவு செய்ய படத்தொகுப்பை பிரவின்ஆண்டனி கவனித்துள்ளார். கலை இயக்குனர்-சிவக்குமார், தலைமை தயாரிப்பு மேற்பார்வை-பி.செந்தில்குமார், ஒலி வடிவமைப்பு-கிருஷ்ணன் சுப்ரமணியன், பாடல்கள்-விவேகா, மதன்கார்க்கி, அறிவு, பாடகர்கள்:-ஜி.வி.பிரகாஷ்குமார், அறிவு, ஷிவாங்கி கிருஷ்ணகுமார், கோல்டு தேவராஜ், அரவிந்த் சீனிவாஸ், தீப்தி சுரேஷ், நடனம்- சேண்டி, விஜி, சண்டை-ரமேஷ், ஆடை வடிவமைப்பு -கவிதா, மூர்த்தி, மேக்கப்-கோதண்டபாணி, ரோபோ வடிவமைப்பு-பர்ஷன் பாசு, மக்கள் தொடர்பு-யுவராஜ்.

கோயம்பத்தூரில் வசிக்கும் கே.எஸ்.ரவிக்குமார் ரோபோடிக் இன்ஜினியரிங் படித்து முடித்துள்ள தன் மகன் தர்ஷனை விட்டு பிரிய மனமில்லாமல் வெளிநாடு சென்று வேலை செய்யவும் தடை போடுகிறார். தந்தையை சமாதானப்படுத்தி ஜெர்மனி செல்லும் தர்ஷன், அங்கே தன் தந்தைக்கு உதவியாக ரோபோ ஒன்றை கம்பெனி சார்பில் அனுப்புகிறார். முதலில் எதிர்ப்பு தெரிவிக்கும் கே.எஸ்.ரவிக்குமார், வேறு வழியில்லாமல் அதனுடன் நாட்களை கடத்த, பின்னர் ரோபோவின் செயல்களை கண்டு மனம் மாறி கூகுள் குட்டப்பா என்று பெயர் சூட்டி மகன் போல் பாச மழை பொழிந்து பார்த்துக் கொள்கிறார். ஜெர்மன் கம்பெனி ரோபோவின் செயல்பாடுகள் சில தொழில்நுட்ப கோளாறு காரணமாக பாதக விளைவுகளை ஏற்படுத்தும் என்பதை கண்டறிந்து தர்ஷனை இந்தியாவிற்கு அனுப்பி கூகுள் குட்டப்பா ரோபோவை திரும்ப எடுத்துவர சொல்கின்றனர். இந்தியாவிற்கு திரும்பும் தர்ஷன் தன் தந்தை கூகுள் குட்டப்பாவின் மேல் அளவு கடந்த அன்பு வைத்திருப்பதையும், அதை விட்டு பிரிய மறுப்பதையும் அறிந்து அதிர்ச்சியாகிறார். இறுதியில் ரோபோ கூகுள் குட்டப்பாவை ஜெர்மனிக்கு எடுத்துச் சென்றாரா? தந்தையின் மனதை மாற்றினாரா? என்பதே படத்தின் மீதிக் கதை.

கே.எஸ்.ரவிக்குமார் வயதான தோற்றத்தில், நடை, உடை, பாவனையில் அச்சு அசலாக உருமாறி தனிமையின் கொடுமையை மகனுக்கு எடுத்துரைத்து, பின்னர் மகனின் ஆசையை நிறைவேற்றி, ரோபோவிடம் மகன் பாசத்தை காட்டும் காட்சிகளிலும், முதுமையில் முடிந்த போக காதலை வெளிப்படுத்தும் விதத்திலும் தத்ரூபமாக நடித்து கை தட்டல் பெறுகிறார்.

பாபுவாக யோகிபாபு அவர்என்ன செய்தாலும் சிரிப்பு வரவில்லை

ஆதியாக தர்ஷனும், காதலி தாரவியாக லாஸ்லியாவும் தங்கள் பாத்திரத்தை சிறப்பாக செய்துள்ளனர்.

மற்றும் பவித்ரா லோகேஷ், சுரேஷ் மேனன், மனோபாலா, மாரிமுத்து, சி.ரங்கநாதன், பிராங்ஸ்டர் ராகுல், பூவையார், சுஷ்மிதா ஆகியோர் நடித்துள்ளனர்.

விவேகா, மதன்கார்க்கி, அறிவு ஆகியோரின் வரிகளில் ஜிப்ரான் இசையும், பின்னணி இசையும் அருமை.

அர்வியின் ஒளிப்பதிவு கோவை, வெளிநாட்டு காட்சிகள், கிராமத்து வீடு, ரோபோவின் செயல் திறனை சிறப்பாக படம் பிடித்துள்ளார்.

படத்தொகுப்பு-பிரவின்ஆண்டனி, கலை இயக்குனர்-சிவக்குமார் இவர்கள் படத்திற்கு பலம்.

கே.எஸ்.ரவிகுமாரிடம் உதவி இயக்குனர்களாக இருந்த சபரி மற்றும் சரவணனை இயக்குனர்களாக தன் சொந்த தயாரிப்பில் இயக்க வைத்துள்ளார்.2019ல் வெளியான மலையாள படமான ஆண்ட்ராய்டு குஞ்சப்பன் வெர்ஷன் 5.25 என்ற படத்தின் மறுஉருவாக்கம் தான்; கூகுள் குட்டப்பா. அறிவியல் சார்ந்த நகைச்சவை கலந்த படத்தில் இயந்திர மனிதனின் தொழில்நுட்ப வளர்ச்சியை முடிந்த வரைதான் பயன்படுத்தக்கொள்ளலாம், அதனுடன் உணர்ச்சிகரமான பிணைப்பை ஏற்படுத்த முடியாது என்பதைத் சொல்லும் இக்கதைக்களத்ததை இயன்றவரை சிறப்பாக கொடுக்க முயற்சி செய்துள்ளனர் இயக்குனர்கள் சபரி மற்றும் சரவணன்.

மொத்தத்தில் கூகுள் குட்டப்பா குழந்தைகளை கவரும்.

Get real time updates directly on you device, subscribe now.