kollywood news

’பெத்தி’ விமர்சனம்

நாயகன் ராம்சரண் மலையடிவாரத்தில் வசித்து கொண்டு சர்க்கரை ஆலையில் வேலை பார்த்து வருகிறார்.எந்த ஒரு போக்குவரத்து வசதியும் இல்லாத இவருடைய கிராமத்தில்  ரயில் மட்டும் இவர்கள் ஊர் வழியாக செல்லும் ஆனால் இவர்கள் ஊரில் நிற்காது.இதனால் ஊர் பெரியவரான ஜெகபதி பாபு அதிகாரிகள் மற்றும் அரசியல் தலைவர்களை பார்த்து மனு கொடுக்கிறார் அதனால் எந்த பயனும் இல்லாமல் இருக்கிறது.
சிறந்த கிரிக்கெட் வீரராக இருக்கும் ராம்சரண் கூலிக்கு காசு வாங்கிக்கொண்டு கிரிக்கெட் விளையாடுகிறார்.சூழ்ச்சியால் ஏமாற்றப்படும் ராம்சரண் தனக்கும் தனது கிராம மக்களுக்கும் எந்த ஒரு அடையாளமும் இல்லை என்பதை தெரிந்து கொள்கிறார்.
இதனையடுத்து தனக்கு ஒரு அடையாளம் தேவை  என்பதை உணர்ந்து சிவராஜ்குமாரிடம் குஸ்தி கற்றுக்கொள்கிறார்.அதில் சாதனை படைத்து மாநில அளவிலான அரையிறுதி போட்டியில் வெற்றி பெரும் வேளையில் இவருடைய காலில் பாதிப்பு ஏற்படுகிறது.
இதனால் இறுதி போட்டியில் கலந்து கொள்ள முடியாத சூழ்நிலை ஏற்படுகிறது. இறுதியில் தடைகளை தாண்டி விளையாட்டு போட்டியில் கலந்து கொண்டு வெற்றி பெற்றாரா இல்லையா  தனது அடையாளத்தை உலகறிய செய்தாரா இல்லையா கிராமத்திற்கு ரயில் நிலையம் கொண்டு வந்தாரா இல்லையா என்பதே படத்தின் மீதிக்கதை.
நாயகன் ராம்சரண் துடிப்பு மிக்க கிராமத்து இளைஞர் கதாபாத்திரத்தில் கச்சிதமாக பொருந்தியிருக்கிறார். கிரிக்கெட், மல்யுத்தம் , ஓட்டப்பந்தயம் என அனைத்து போட்டிகளிலும் தன்  திறமையை நிரூபிப்பதற்காக கடுமையான உழைப்பை கொடுத்து இருக்கிறார். காதல், ஆட்டம், பாட்டு ,நடனம், கோபம், உணர்வு என படத்தின் முழுக்க கதையையும் தன் தோள் மீது சுமந்து நிற்கிறார்.
அச்சியம்மா கதாபாத்திரத்தில் நடித்திருக்கும் ஜான்வி கபூர் கொடுத்த வேலையை குறைவில்லாமல் செய்திருக்கிறார்.
மல்யுத்த குருவாக நடித்திருக்கும் சிவராஜ்குமார் அனுபவ நடிப்பால் கவனம் பெறுகிறார்.
மற்றும் ஜெகபதி பாபு,விஜி சந்திரசேகர், திவ்யேந்து சர்மா,பொமன் இராணி,என படத்தில் மற்ற வேடங்களில் நடித்த அனைவரும் சிறப்பாக நடித்துள்ளனர்.
இசையமைப்பாளர் ஏ.ஆர்.ரஹ்மான் இசையும்,ரத்னவேலுவின் ஒளிப்பதிவும் கதைக்கு பலம்.
ஊர் அடையாளத்தை பெறுவதற்காக போராடும் ஒரு விளையாட்டு வீரனின் கதையை மைய கருவாக வைத்து சிறந்த திரைக்கதையை உருவாக்கியிருக்கும் இயக்குநர் புச்சி பாபு சனா அவர்களுக்கு பாராட்டுகள்.
’பெத்தி’சாதி அரசியல்,சமூக ஏற்றத்தாழ்வு, மனித உணர்வுகள் ஆகியவற்றை வெளிப்படுத்தியுள்ளது.

Get real time updates directly on you device, subscribe now.