‘எமக்குத் தொழில் ரொமான்ஸ்’ – விமர்சனம் !

திரைப்பட உதவி இயக்குனராக இருக்கும் நாயகன் அசோக் செல்வன் தனியார் மருத்துவமனையில் நர்சாக வேலை செய்யும் அவந்திகா மிஸ்ராவை காதலிக்கிறார் .
அசோக் செல்வன் இவர் தன் பெண் நண்பருக்கு ஒரு உதவி செய்ய,, அதனால் ஏற்படும் பிரச்சனையால் இருவரும் பிரிந்து விடுகிறார்கள்.
பிரிந்து சென்ற காதலி அவந்திகா மிஸ்ராவுடன் மீண்டும் ஒன்று சேர்வதற்கான முயற்சிகளில் அசோக் செல்வன் ஈடுபடும் போதெல்லாம் ஏதாவது ஒரு பிரச்சனை அவரை காதலியுடன் இணைய விடாமல் தடுத்து விடுகிறது. இறுதியில் அசோக் செல்வன் மீண்டும் தன் காதலி அவந்திகா மிஸ்ராவுடன் இணைந்தாரா இல்லையா என்பதே படத்தின் மீதிக்கதை.
நாயகனாக நடிக்கும் அசோக் செல்வன் காதல் நாயகனாக இளமை துள்ளும் நடிப்பில் தனது கதாபாத்திரத்தை உணர்ந்து நடித்து அனைவரையும் ரசிக்க வைக்கிறார்.
நாயகியாக நடித்திருக்கும் அவந்திகா மிஸ்ரா
கதைக்கேற்றபடி தனது திறமையை காண்பித்து நடித்துள்ளார்.
படத்தின் ஏனைய கதாபாத்திரங்களான ஊர்வசி,அழகம்பெருமாள்,படவா கோபி, சோனியா,எம்.எஸ்.பாஸ்கர் ஆகியோர் சிறப்பான முறையில் நடித்துள்ளனர்.
நிவாஸ் கே.பிரசன்னாவின் இசையும், கணேஷ் சந்திராவின் ஒளிப்பதிவும் படத்திற்கு பக்க பலம் சேர்த்துள்ளன.
காதலர்களுக்குள் ஏற்படும் பிரச்சனையை காமெடி கலந்த திரைக்கதை அமைப்பில் குடும்ப பிண்ணனியும் இணைத்து குடும்பங்களுடன் அனைவரும் பார்க்க கூடிய பொழுதுபோக்கு படமாக இயக்கியுள்ளார் இயக்குநர் பாலாஜி கேசவன் அவர்களுக்கு பாராட்டுகள்.
எமக்குத் தொழில் ரொமான்ஸ்’ அனைவரையும் ரசிக்க வைக்கும்.