வாய்தா விமர்சனம்

வாய்தா விமர்சனம்

இந்த விஞ்ஞான முன்னேற்ற கால கட்டத்திலும் ஒரு சில கிராமங்களில் சாதியப் போக்கே ஒருவரை அடையாளம் காட்டுகிறது அனைவரும் நம்பும் நீதிமன்றங்களில் எளியவர்கள் எவ்வளவு துன்பங்களுக்கு ஆளாகிறார்கள் என்பதை அழுத்தமாக சொல்லியிருக்கும் படம்தான் வாய்தா.
மகிவர்மன்.சி.எஸ். இயக்கியிருக்கிறார்.
படத்தின் நாயகனாக அறிமுகமாகியிருக்கிறார் புகழ். விசைத்தறித் தொழிலாளியாக வரும் அவரது இயல்பான நடிப்பு வெளி படுத்தியுள்ளார்.
அவரது தந்தையாக, சலவைத் தொழிலாளி வேடத்தில் நடித்திருக்கும் மு.இராமசாமியின் நடிப்பு நன்றாக அமைந்துள்ளது. அந்தப் பாத்திரமாகவே மாறியிருக்கிறார். அந்தப் பரிதாபமான பார்வையும் நடிப்பும் எதார்த்தம். நாயகி ஜெசிகா பவுலும் நம்மை அழ வைத்துவிடுகிறார். படத்துக்கேற்ற காட்சிகளில் இயல்பாக தோன்றுகிறார். பிரசன்னாவும் தன் நடிப்பை இயல்பாக தந்திருக்கிறார்.
விசைத்தறிக்கூடங்கள், நீதிமன்றக் காட்சிகள் உட்பட எல்லாக்காட்சிகளையும் அலங்காரம் இல்லாமல் இயல்பாக ஒளிப்பதிவு செய்திருக்கிறார் சேது முருகவேல் அங்காரகன். சி.லோகேஷ்வரன் இசையில் அமைந்த பாடல்களும் பின்னணி இசையும்படத்திற்கு பக்கபலம்.
சமுதாயத்தின் காலக்கட்டத்திற்கு ஏற்றது போல்அமைந்திருக்கிறது இந்த வாய்தா.